Meethi cheeze

Ajeeb haina hum bhi
Jo pyaar deta hai, uss se pyaar chahte nahi
Aur jo nahi deta, ussi ke dhar bhatakte phirte hain.

Chahne wale koi aur hote hain
Par dete wo level hum kisi aur ko hain.
Kyu?
Shaydh dhikawa ke jhaanse mai aakar.
Mithas ko chakk kar.

Samaj tho baad hi mai aata hai.
Ki jo mithas achi lagti thi, wo mushkil ghadiyo mai saat nai deti.
Aksar wo kadwai dawai hi hume khade hone ka sahara deti hai.

Phir thodi samaj aati hai zindagi ki.
Par ye tho sirf ek padhaav hai.

Naa jaane aise kitne jagah
Hum aise hi anjaan bhatakte phirte hai
Hur roz, jhaanso mai khelte huye, apne aap ko na-chahne walo ke haato mai sopte hue.

Par shukra hai ki ek ghar hai.
Ghar hai jahan maa papa hai.
Bhai behen hai.
Hai kadwe jitne bhi, pata hai, wahin mera saccha jahaan hai.